ده عند ام ترتر

 

*ده عند ام ترتر*

ام ترتر دي ست اسمها اصلا "نفوسه" اسكندرانيه وكانت عايشه في حاره اسمها حاره كرموز، نفوسه كانت دايماً بتلبس عبايات بتلمع ومليانه ترتر ست دندوشه في نفسها  يعني 💃عشان كده طلع عليها اسم ام ترتر، وكانت مرات عربجي حنطور قد الدنيا😅اسمه المعلم "علوان"، وعندهم ولدين وبنت، المهم أن ام ترتر كانت بتربي فراخ وبط ع السطوح بتاعها وكان دايماً طيور الجيران تطير وتروح ع سطحها هي بقي تاخد الطير ده وتجيب رقبته🔪وتقدمه لجوزها المعلم علوان في العشا، وام ترتر كانت بتخفي أثر الريش والعضم ومش بتخلي ليهم اثر (بتاويه يعني 😅)، كمان كان معروف عنها انها ست شرشوحه والي بيتكلم معاها بتفرج عليه خلق الله، ولما كان حد يسألها ع حاجه ضايعه من عنده كانت بتفرج عليه الناس عشان كده الناس بقوا يتجنبوا اي خناق معاها، وبعد كده لما حاجه تطير من عند واحده ست وتسأل جيرانها، يقوللها عوضك ع الله ده عند ام ترتر .

ومن يومها اي حاجه بتبقي مستحيل نعملها أو نجبها بقينا نقول (ده عند ام ترتر 🤷🏻‍♀️ )