ريا وسكينه سفاحين فعلا زي ما التاريخ وصفهم وزي ما وصلنا ولا التاريخ ظلمهم زي ما ناس بتقول ونسي دورهم الكفاحي 🤔
تعالا كده نشوف...🚶🏼♀️🚶🏻
ريا وسكينه على همام هما أختين عملوا خوف وقلق لمدينه إسكندريه سنه ١٩١٩ بعد ما اختفت ١٧ سيده وبنت في ظروف غامضه قبل ما يتم الكشف عن أسرار العصابه والقبض عليهم 😶
ريا وسكينه من صعيد مصر نقلوا اسكندريه مع والدتهم واخوهم "ابو العلا" وبدأوا شغل في الأعمال الغير مشروعه زي تسهيل تعاطي المخدرات والخمور عن طريق اماكن سريه للحجات دي والقواده وتسهيل الدعاره السريه ، لحد ما وصل بيهم الحال أنهم يستدرجوا الستات ويقتلو**هم عشان يسرقوا صيغتهم واشترك معاهم "محمد عبدالعال" جوز سكينه و "حسب الله سعيد" جوز ريا واتنين تانين هما "عرابي حسان" و "عبدالرازق يوسف"
سنه ١٩٢١ اتنفذ حكم الاعدام فيهم كأول سيدتين تم أعدامهم في التاريخ ووصف الكاتب الكبير "عباس محمود العقاد" ريا وسكينه بأنهم من أصحاب النفوس الميته
لكن من وقت للتاني بيظهر ع السوشيال ميديا أن ريا وسكينه ليهم دور في الحركه الوطنيه في الوقت ده مع قيام ثوره ١٩١٩ والكفاح ضد الاستعمار الإنجليزي وق**تل الإنجليز وبتأكد ع أن ريا وسكينه وازواجهم اشتركوا ع ق*تل وخطف الإنجليز
فهل التاريخ ظلم ريا وسكينه فعلا وتجاهل دور كفاحهم ضد الاستعمار ؟🤔
"كلام سخيف" ده كان وصف الدكتور "محمد عفيفي" استاذ التاريخ الحديث والمعاصر في كليه الاداب جامعه القاهره ع اللي بيتكتب عن دور ريا وسكينه البطولي في مكافحه الانجليز ع السوشيال ميديا ووضح أنهم كانوا سفاح**تين اشتركوا في ارتكاب الجرائم المنسوبه ليهم تاريخيا والمعروفة للجميع من خطف وسرقه وق*تل وهما من ابشع الحوادث الي تم الكشف عنها خلال القرن الماضي وأن هي وقائع حقيقيه ، بالاضافه كمان للكاتب الصحفي "صلاح عيسي صاحب اهم مرجع موثق لجرائم ريا وسكينه وبيحتوي ع تحقيقات النيابه والمحاضر بتاعت الشرطه والكتابات الصحفيه الي اتنشرت وسجلتها المحكمات وغيرها من الشهود وهو مرجع مهم وموثق يهدم اي اكاذيب تانيه بيتم ترويجها وقال إن " القضيه محسومه ويجب أن نعود للقراءه من جديد بعيدا عن تسطيح الأمور "
ودي دلائل ع أن ريا وسكينه كانوا مجرمين فعلا زي ما وصفهم التاريخ